ကုမ္ပဏီတည်ထောင်သူ၏ အမှာစကား

ကုမ္ပဏီအကြောင်း
ကုမ္ပဏီတည်ထောင်သူ၏ အမှာစကား

Zaw Myint Htoo

Founder, Group CEO

ကုမ္ပဏီတည်ထောင်သူ၏ အမှာစကား

ကျွန်ုပ်တို့ ကုမ္ပဏီ၏ သမိုင်းနှင့် တိုးတက်ဖွံ့ဖြိုးလာမှုတို့သည် မြန်မာနိုင်ငံ၏ တိုးတက်မှုအလားအလာကို ထင်ဟပ်ပြနေခြင်းဖြစ်ပါသည်။

ကျွန်ုပ်တို့၏လုပ်ငန်းများကို ၂၀၁၁ခုနှစ်တွင် စတင်လည်ပတ်ခဲ့ပြီး ထိုအချိန်၌ ကျွန်ုပ်တို့သည် ကုမ္ပဏီအသေးလေးတစ်ခုသာဖြစ်သည်။ မြန်မာနိုင်ငံ၏ စီးပွားရေးတိုးတက်လာသည်နှင့်အမျှ ကျွန်ုပ်တို့သည်လည်း ကျွန်ုပ်တို့၏ ရည်ရွယ်ချက် နှင့်အညီစီးပွားရေးလုပ်ငန်းများကို တိုးချဲ့နိုင်ခဲ့သည်။

ယခုအခါတွင် IME Groupသည် ဆောက်လုပ်ရေးလုပ်ငန်းအိမ်၊ခြံ၊မြေလုပ်ငန်းကုန်သွယ်ခြင်းနှင့် ဖြန့်ဖြူးခြင်း၊ လက်လီဖြန့်ဖြူးရောင်းချခြင်း၊ လူနေမှုပုံစံပိုင်ဆိုင်မှု စီမံခန့်ခွဲခြင်း နှင့် ရင်းနှီးမြုပ်နှံမှု  စသည့်များစွာသော စီးပွားရေးကဏ္ဍများတွင်လည်ပတ်နေသည့် ပုဂ္ဂလိကပိုင်လုပ်ငန်းစုကြီးဖြစ်သည်။ ကျွန်ုပ်တို့၏တန်ဖိုးကွင်းဆက်သည် ကုမ္ပဏီ၏ အနာဂတ်ကို တည်ဆောက်နိုင်စွမ်းနှင့် ကုမ္ပဏီ၏ ခံနိုင်ရည်ရှိမှုတို့အပေါ် အထောက်အကူပြုပြီး စီးပွားရေးရပ်ဝန်းမှစိန်ခေါမှုများကိုဖြေရှင်းရန်အထောက်အကူပြုပါသည်။ ကျွန်ုပ်တို့ IME Group ၏ အနာဂတ်သည် ကျွန်ုပ်တို့၏ vision ကို ရုပ်လုံးပေါ်စေရန် အကောင်အထည် ဖော်ဆောင်နိုင်စွမ်း ပေါ်တွင် မူတည်နေသည်။ ကျွန်ုပ်တို့ကုမ္ပဏီအနေဖြင့် အားလုံးအတွက် ပိုမိုကောင်းမွန်သော အနာဂတ်ကို ဖန်တီးနိုင်ရန် ရည်ရွယ်ပါသည်။ ထိုသို့ရည်ရွယ်ခြင်းသည် ကျွန်ုပ်တို့အတွက် မည်သည့်အရာများ ယူဆောင်လာနိုင်သနည်း။

ယနေ့ခေတ်တွင် မြန်မာပြည်သူပြည်သားများသည် ၎င်းတို့၏ နေ့စဉ်ဘဝများကို ပိုမိုကောင်းမွန်လာစေရန် ကောင်းမွန်သည့် အိမ်ရာများတွင်နေထိုင်လိုခြင်း၊ ယုံကြည်စိတ်ချရသော ကုန်ပစ္စည်းများနှင့်ဝန်ဆောင်မှုများအား ဝယ်ယူသုံးစွဲလိုခြင်း၊ စသည့်နည်းလမ်းများဖြင့် ၎င်းတို့၏ လူနေမှုဘဝများကို မြှင့်တင်စေနိုင်ရန် အထူးစိတ်အားထက်သန်လာကြသည်။ IME Group အနေဖြင့် အရည်အသွေးအား ထိခိုက်ခြင်း၊ လျှော့ချခြင်း မပြုလုပ်ဘဲ သင့်တင့်လျှောက်ပတ်သော အလယ်အလတ်တန်းစား ထုတ်ကုန်များနှင့် ဝန်ဆောင်မှုများအား တိုးတက်နေသောမြန်မာပြည်သူလူထုများကို မိတ်ဆက်ရောင်းချပေးနိုင်ရန် အားထုတ်ကြိုးပမ်းလျှက်ရှိပါသည်။ ထိုသို့ဝန်ဆောင်မှု ပေးနိုင်ရန် ကျွန်ုပ်တို့ကုမ္ပဏီ၏ဦးတည်ချက်နှင့်ကိုက်ညီသော စီးပွားရေးဆိုင်ရာ လုပ်ဖော်ကိုင်ဖက်များနှင့် လက်တွဲလုပ်ကိုင်ရမည် ဖြစ်သည်။  ကုမ္ပဏီအနေဖြင့် ကုမ္ပဏီ၏ဝန်ထမ်းများနှင့် အစုရှယ်ယာဝင်များ၏ အလုပ်အပေါ်တွင် ကိုယ်နှင့်စိတ် နှစ်မြုပ်နိုင်မှု နှင့် အကောင်အထည်ဖော်ဆောင်မှု အပေါ်တွင်လည်း အားထားပါသည်။ ၎င်းတို့ရဲ့ ယုံကြည်မှုမရဘဲ IME Group အနေဖြင့် စီးပွားရေးလုပ်ငန်းများကို ထပ်မံတိုးချဲ့နိုင်မည် မဟုတ်သလို ရှေ့သို့ဆက်၍ ရှင်သန်နိုင်မည်လည်း မဟုတ်ပေ။

ကျွန်တော်တို့ IME Group အနေဖြင့် ယခုအချိန်တွင် ကောင်းမွန်ခိုင်မာသော ရလဒ်များရရှိနေပြီဖြစ်သည်။ ကျွန်ုပ်တို့၏ ဝန်ဆောင်မှု များကို လွန်စွာကျေနပ်အားရသော ဝယ်ယူအားပေးသူပေါင်း ၂၆,ဝဝဝကျော်အား ကုမ္ပဏီ၏ ဝန်ထမ်း ၆၅ဝကျော်မှ ယခင်နှစ်အတွင်း ဝန်ဆောင်မှုပေးနိုင်ခဲ့သည်။ ကျွန်ုပ်တို့ ဝန်ထမ်းများ၏ လုပ်ငန်းစွမ်းဆောင်ရည်နှင့် ကျွမ်းကျင်မှုများတိုးတက်လာစေရန် ရည်ရွယ်၍ မြန်မာငွေကျပ် ၃၅ သန်းကျော်အသုံးပြုကာ သင်တန်းများပို့ချပေးခဲ့သည်။ ကုမ္ပဏီဝန်ထမ်းအားလုံး၏ ၅၃% ပါဝင်သည့် ကုမ္ပဏီအပေါတွင်ကျေနပ်အားရမှု စစ်တမ်းတစ်ခုကို မတ်လ ၂ဝ၁၉ တွင် ကောက်ယူစေခဲ့ရာ ၇၇%မှာ ကျွန်ုပ်တို့ IME Group ၏ အလုပ်အကိုင်ပတ်ဝန်းကျင်ကို ကျေနပ်အားရ‌ကြောင်း သိရှိရသည့်အတွက် ကျွန်ုပ်အနေဖြင့် ဂုဏ်ယူမိပါသည်။ ကျွန်ုပ်တို့အနေဖြင့် လမ်းကြောင်းမှန်ပေါ်တွင် ရောက်ရှိနေပြီဖြစ်သော်လည်း ဆက်လက်လုပ်ဆောင်ရန် များစွာကျန်ရှိနေသေးသည်ဟု နားလည် ထားပါသည်။

ကျွန်ုပ်တို့၏ မဟာဗျုဟာကျသော ရည်မှန်းချက်များက ကုမ္ပဏီကို ရှေ့သို့ဆက်လက်ချီတက်နိုင်စေရန် လမ်းခင်းပေးနေသည်မှာ အသေအချာပင်ဖြစ်သည်။ ကျွန်ုပ်တို့သည် IME Group ၏အနာဂတ်ကို ခိုင်မာစေရန်အလို့ငှာ (၁) ပိုမိုခိုင်ခံ့သော ကော်ပိုရိတ် ယဥ်ကျေးမှုကို တည်ဆောက်ရန် (၂) ကျွန်ုပ်တို့၏ ကော်ပိုရိတ်စီမံခန့်ခွဲမှုစနစ်ကို ပြောင်းလဲရန် နှင့် ကျွန်ုပ်တို့၏ စီမံခန့်ခွဲမှုဆိုင်ရာချဥ်းကပ်မှုကို ကော်ပိုရိတ်ဆိုင်ရာ တာဝန်ယူ၊တာဝန်ခံမှု တို့အပေါ် မူတည်ပြီး တည်ဆောက်ရန်အတွက် ရင်းနှီးမြုပ်နှံမှုများပြုလုပ်နေပါသည်။

IME Group အနေဖြင့် ၎င်းနှင့်အကျိုးသက်ဆိုင်သူများအတွက် တန်ဖိုးများဖန်တီးပေးနိုင်မည့် အရည်အချင်းအပေါ် ကျွန်ုပ်ယုံကြည်ပါသည်။ ထိုသို့လုပ်ဆောင်ခြင်းမှ တဆင့် ကျွန်ုပ်တို့သည် မြန်မာနိုင်ငံတွင် ယုံကြည်စိတ်ချရ၍ ခိုင်မာသော ဦးဆောင်သူနေရာကို ရောက်ရှိနိုင်မည်ဖြစ်ပြီး လူသားတိုင်းအတွက် ကောင်းမွန်သော အနာဂတ်ကို ဖန်တီးပေးလိုသည့် ကုမ္ပဏီ၏ vision ကိုလည်း ဖြည့်ဆည်းနိုင်မည်ဖြစ်သည်။

ဇော်မြင့်ထူး

ကုမ္ပဏီတည်ထောင်သူနှင့် IME Group အမှုဆောင်အရာရှိချုပ်